Merry Xmas & Welcoming 2014

12.12.2013....enda berasai. Fuhh, jampat amai hari beganti. Nandaka nyauka datai pengerami Xmas maya ujung taun. Taun ku ka ngintu enggau scale ala kadar aja, laban perlu betatika bajet bala anak kedeka besekula baru. Huahuahua. Bulan 11 enggau 12, mayuh mega orang ke betali-alau ngasuh MA nyadi Tukang Gerah (emcee), pengerami. Jereki mih nya. Anang nulak. Ujai jai, utai nanjal pengidup nya baru tau di-iar jauh2 ke tisiiiiii kin. Tempalungka. Anang nyimpan. Sesin, anang mih. Ngerua Empty Space minda aja.
Pejalai MA? Ujung minggu tu tadi (7/8 Dec) MA nemuai ngagai Rh Empaling, Jungkong Pandak, Bakong S.Aman. Hmmmm, ke sera tu, MA nadai mai budigad. Laban semua bala geng sibuk enggau pengawa caroling, enggau pengawa bukai. Kakpen enda, MA belelubah nguhitka bini no 2 MA ari Kch-Bakong S.Aman-Kch. Ada cerita best!!!! Gua cer....cer.
MA mupuk ari rumah urung pukul 2.40pm ngalihari 7 Dec. Enggai laun, laban jalai tunga kin bisi sekeda nya belubang-lubang. Jai. Jelu kangaroo begedi mih engkekejuk ba dia. Nadai feeling. Ngerusak pala patung bala kangaroo aja.
Sangkai endar ba menua S.Aman urung pukul 5.10pm, MA singgah ba Shell Jalai Sabu. Kemi, bepungas mua, seraya sesais enda lama, ngedarka tulang punggung. Pama utai dederiba kekediri. Tembu nya, MA alu bekejang, laban ke udah besemaya enggau Mikol (anak TR) , deka datai tumu, agi tawas. Ulih ga belelak sebedau pengawa berengkah. Mujur?? ENDA. Hahaha....MA salah biluk nuju simpang kiba. Ku ke Mikol, ari pasar nuju ke rh panjai, enda nyengala jauh. Urung 50 min pejalai. Enti ari simpang Gran Lingga kira ke kurang ari 30 min. Tang MA udah dreba urung 40 min, makin jauh, makin mit jalai. Makin lama, makin sunyi dunya. Fuuhhh. Pun kayu aja ke bisi ngengepai kiba kanan. Anang ke mensia, tupai lungau nadai dipeda ayan ngerayap ngelayang jalai. Ngasaika diri tesat, MA betali-alau nuju Mikol baru, ke alai iya, berunding deka ngambat MA ba pun simpang. Hmmmmm....
Laban kedeka nguji baru, dia MA majakka pejalai, kira bisi 10 min kenya. Udahnya MA tepedaka 2 iku ke benung nginti ba tisi parit. Siku nembiak (pelaba sagam anak ati MA nembiak tu beumur enti enda 11/12 taun). Aku enggau ati ke baruh lalu nyapa seduai. Tudah anak, engka nangika MA samseng ladang (laban maya nya MA belabung pala). Tudah apai iya ke berani nyaut seraya ngampir MA.
'Apuu, salah jalai nn tu. Tu jalai nunga ke Kejatau. Jauh udah nn tu tama kitu. Uji nn pulai ke simpang besai tadi, udah nya biluk kanan.'
Ku aku nyaut,'Bah, enti ari simpang nya, jauh kini simpang nuju ke Jungkong?'
'Enda....pulai baru nn ngagai pun jalai,' ku tudah ngajar aku. Peda2 MA ari paras pendiau iya umur bedau mega udah manggai ngagai angka 50. Peratika MA, seduai betepanka Modenas Jaguh, diparking teguh ba tisi jalai.
'Bah, tau karapka aku mih seduai tu,' ku anak ati betelai dalam din. Irau bebalut enggau tusah ati, laban hari majak petang. Ujan enggai enda nurun ga. Minta puji amat. Maya MA ke dituntung penanggul tu ga iya ujan.
MA alu nyurutka kerita begadai2. Udah nya apai orang nya tadi alu ngepai baru.
'Aku nangika nn majak tesat. Udah ga tu majak petang. Manah nn entudi kamiduai. Lagi nganjung d ngagai pun simpang,' ku iya.
MA antara kasih, pia mega pengirau ati majak malut runding diri. 'Asapai! Enggai enda tesat!' Ku anak ati MA muchau2 dalam din. Seduai pan dipeda besikap, nepu kereban ke bela bisi dibai, ditepu dalam raga. Aku semina nganti injin Jaguh diidupka.
Betunda udi mih kami sebuat udahnya ngelaban ujan. Kada mih anak mensia, ku ke ati aku ga, agi ka nyangkal pemanah budi orang ke udah besedia mantu. Kami udahnya biluk tunga ke kanan, nujah bukit jelan peninggi. Majak ga ati aku irau. Mati MA udah tu!
Nemu nya jalai nya jalai muntang/mintas (short-cut). Selamat. Hmmm, amat besai ga penguji ari Petara laban sepengudahnya, injin Jaguh padam sedu-padam sedu. Kak pen enda, MA nganti seduai menyanak ngerituk begian bateri. Basah, sereta bisi 'shorts' laban ke basah. Aduii.
Maya nya mega MA berundingka mayuh pekara. Enda patut ga MA kempang ninggalka seduai beranak nyurung Jaguh nyentukka rumah. Kepuas berunding, kami 3 begigaka anak tali-ka towing Jaguh! Pengujung iya, tali mak raga, nyadi mangsa penyelamat keadaan. Udah ke ditancang manah ba 'hook' bonet belakang kerita MA, kami pan mupuk. Anak iya dibai MA dalam kerita, taja tudah ka beberat ati, malu.
20km/j, kami pan sangkai ba mua rumah seduai. Udah ke muka simpul mak raga, kami pan betabi, seraya MA ke madahka diri mupuk. Maya nya, kerita laki Joyce Menti baru udah mansa. MA entudi sida iya. Ba Simpang Gran, Mikol udah bendar betempapka nyamuk lama nganti dalam kerita. Kasih tudah. Kami pan udah nya mupuk begadai2 laban ke ujan. Niki ba rumah panjai, urung pukul 7.45lemai. Fuhhhhh, pedis isi! Taja pia, Terima Kasih ngagai Petara laban MA udah likun datai sereta nudukka diri dalam bilik penaik TR Empaling. Ka manjung asai. Tang kasih ke tudah TR enda dapat, udah gegaring ngenatka pemedis pala (mabuk!).
Udah ke berandau berampas enda lama, kami sebuah pan dinah ke urang makai lemai. Tudah pangan, Joyce Menti, Ken (laki iya), Joseph Dresa enggau siku agi kaban Joseph. Tembu makai, kami bela ngintu setin siku, dikena warming-up dulu. Maya nya mega petunggal tudah Tupai (Dj Ijau), datai seraya madahka nama diri. Hahaha. Bela udah bulih pemedis magang. Haiiiisssssh, layannnnn je la.
Pengawa kami berengkah urung pukul 8.50 malam, enggau jaku pengelalu ari Sapit TR. Udah nya, MA pan berengkah nyadi MC rasmi nyentukka ngagai pengujung program. Ka ditusi magang2, ujung2 nyadi novel Entry tu. Hahahaha..
Sama bekunsika sekeda tibang gambar ke sempat dikachit MA ngena HP Sony Miro. Sekeda dikachit bala ke dia mih, nya kebuah gambar udu 'blur'. Enda ngawa, ikas mih gerai, neyaaaaa.

 Mikol..anak TR. Kamiduai ke nyaga lagu maya nya. Sabar aja la labu ;)

 Sekeda ari raban dancers. Warga tua, semua udah lari ke teluk dinding. Nangi ke indik.

 Josesph Dresa in action. Ewaaaahhhhhh. Gbr blur laban jari penat megai kerupun.

 Joyce Menti, Joseph, MA & Mikol. Kira ke mujur pengawa & terkawal. Suasana udah bisi kelaie ka enda entu-enda entu, Mikol alu ngasuh closing urung pukul 2 dini hari.

 Nudukka diri ba bilik TR. Dinahka pemakai (salau), enggau ai rimau. Nadai cecelap nya u, ukai bisi karan. Kasih ke bala sida ditu (8 pintu) ke udah baum ngidupka injin api nyentukka pagi. Ulih YB ngitung berapa bajet kena meli binjin? Disil? Uji rumah sekeda pemesai ga sama bekenaka injin api ba nengeri, awak ke sama bejimat ngelimat minyak. Kada tan tinduk enda ngena ekon. Perrrgh.

 Dani pagi nya, tembu ngirup kupi, MA lipak enda lama ba ruai. Nyenip pemanah rampa menua Jungkong Pandak. Beumai padi magang urang ditu.

 Gambar atas/baruh : Sekeda bala peminat ke biak umur mih nya. Gaga ati kena gambar.

Fuhhhh. Mulaika diri baru. Kedediri baru S.Aman-Kch. Alahaiiiiiiii. MA mupuk urung pukul 9.45am. Datai ba pasar S.Aman urung pukul 11, laban ke tesat baru!!! Kini ke nyau ke Tjg Bijat. Ngelebus simpang. Parai nyawa. Deeeh bala antu babas. Kak amat nundi.
Datai ba pasar, MA sempat betemu enggau petunggal MA Cikgu Robia & Ika Desmond. Dibai seduai singgah enda lama nemuai ke rumah ba Seri Jaya. Udah ke tembu ngirup sereta mangkil siti dua kempat ruti, MA pan bekejang. Seduai pan sama ka mulaika diri ke Gerija St Luke ngambi anak tinggal. Terima kasih udah ngirumka dabai/langsat. Chukup lama enda betemu laban ke sama mai diri nitihka periuk asi.
Udah nya alu neruska pejalai nuju menua Mayau. Sangkai ba Serian, seraya ke belelak, kemi & nyelapka injin kerita. 5.05pm, MA sangkai ba rumah kakak ba Kpg Kudei Baru. Mandi, belelak, berandau, makai!
Nya ajalah cerita pejalai MA ujung minggu tu tadi. Amai ku orang tuai. Malu betanya tesat jalai, enti tesat nikal baru ngagai pun jalai. Ba puak menua S.Aman, MA enda tesat, laban ngena Maps! Hahaha, Bisi 'indu urang putih' meri direction, tunga jalai. Sepuluh sin enda mih tesat. Temu jalai. Nya mih cerita pejalai MA Kch-S.Aman-Kch. Malamnya, belelak endar2. Pedis punggung bai dreba solo.

Pengawa lebuh ke nyadi MC pengawa 'taklimat' ke diatur Recording Industry Association of Msia (RIM), ba Hilton Hotel, Kch (20 Nov).

 MC maya melah pinang Frankly Robert Galayan (Swak) & indu dara Sabah, Laura Jonly. Ari ruang bilik 'seniman'. Pengantin malamnya bela main liveband ;)

 Saja ka shot cover pengantin & programme-flow.

 Jarang meda pengantin Iban begagaka panggau endur besanding (pelamin). Kreatif ga pengantin tu. Congrats ngagai Fedem Dilly & Jenny. Pengerami diatur ba Hunco Restaurant, Bt 13.

 Misi ka ngurangka lemak agi dipergiatkan. Cuma kadang2 'kelas' kensel laban ke sibuk. Hmmmm.... MInggu tu aja MA ke nadai mindah jauh. Plan ke neman bala budak lepaking. Lama enda spend ujung minggu enggau kededua taiko. Tapi musim ujan tu, ukai nya ulih kini2 pun. Melepak indoor aja lah gaya iya.
Borneo Ethnic Cafe (BE)? Ohhh, agi dalam proses 'nego' ngau bala geng ke bisi minat ka take-over, Tang rata2 ka mai MA join sekali, as a share-partner. Haiiiiyuuuuuuu, itu mau kasi pikir 87kali lah. Ukai nama, laban ka dani pagi nya menjadi satu penderitaan! Dahla sekula udah ka dibuka baru. Apapun, MA memang sayauka BE. Siti2 aja palan Iban ba tengah2 dunya Cina. 28 hari da agi sebedau nyambut penatai taun 2014. Ngarapka taun baru, pengidup lebih kow2, gerai nyamai, lantang senang, chelap lindap nguan menua. Kan? Bekaban biar seribu, munsuh anang digiga (tapi hakikat iya, ni lah semua mensia nya manah magang. Bisi sekeda nyadi duri dalam dagin, kaban perut ikan madi perut jani..... Ku ini aku, buk sama celum uchu2, tang ati dalam din, kitai enda ulih neka).
OK lah, ila betemu baru dalam entry MA kedeka datai. Merry Xmas ngagai semua followers MA & Happy New Year dua kusong satu empat ;) Cheerrrrrrsssss!!!

Ninjau menua-Rh Mathew Maja,Rantau Pjg Sibu & SK Ng Merit,Kapit.

NOV udah datai...reti iya bulan kepenudi nembiak besekula, pemisi panjai. Yesssss.... Hahaha...reti iya MA enda perlu la dani kelalu tumu agi nganjung budak ke sekula (atleast lah!!).Nadai mayuh perkembangan pemadu baru ari MA, juz sarinya bepeluang nemuai ngagai Rh Mathew Maja, Rantau Pjg, Sibu, laban ke sama ngulu pengawa makai selamat, mentua bestfriend MA, Cikgu Perry Jarau. Kaban sepunsa returns tikit bilun.... TQ lah. Mcm biasa, bila udah betunga, jagaaaaaa nyawa. Tin pan mayuh jadi mangsa dikereping. Mata pan kekulap mih laban ke kurang tinduk. Hehehe. Tang best, laban semua sporting magang ba Rh Panjai nya. Bepeluang mega betemu sereta betundi enggau Vokalis The Crew, Filix. Coz iya ari rumah panjai nya.... Ngam amai enggau betundi. Tambahan brader Timothy Umpok pan bisi. Makin la menjadi ;)...OK, MA share sekeda tibang gambar pejalai MA tu tadi, sekeda gambar diambi ngena kamera HP MA, sekeda nya ihsan ari Kamera Canon Maxwel F.Saran (penanyi juget tebilang nyaaaaa arrrr). Araaaaam, zoommm gambar.

 

 Ohhhhh....9 Nov, my 2nd Junior konvo. Ewaaaahhhh..kembai igi mata dani tumu maya nya. Dahlah malam sebedaunya, MA bisi dinner. Huhuhuhu....Apapun, congrats. Hensem iya paginya... Mini Konvokesyen Taska & Tadika N15 Muara Tuang. Mayuhhhhh nye budak2. Cikgu2 budak pun mayuh ;)

 Ervin Riq Richie... Mancal. Selamba aja ngachau bala geng iya. Lawak betul... (maya nya aku nengkila ulah iya ari jauh...)

 Abg-Erwin Ryanrich & mummy..... nadai org yg ulih ambik gambar. Enti enda kumpom bisi mua aku ditu.

 Abg......kesian, minat sungguh iya ka megai2 kamera. Ada minat & bakat. Tunggu ler rezeki masuk, nanti daddy beli kamera ;)

 Maya tu, free style, mua Zombie....Apa agi si Richie. Nang masuk lah part jadi mombok.

 Ohhh, si peminat Liverpool tu begambar ba depan Rh Panjai, Rh Mathew Maja. Begulai enggau Filis... Mcm ngabang Hr Gawai aja... Hahaha. Sida madah, harus niki ngagai rumah TR. On aja lah. Nasib Tiger aja & tuak mimit. Layaaannnnnn.

 Benung baum deka ngemansangka Rh Panjai. Hahahahaha ;)

 2 piece band ari Manila??? Ukai la...tu la bestfriend maut MA..siku agi enda ulih join, Mr John Kodo (Bintulu). Enti enda, memang chukup ambis korum.

 Sepengudah breakfast.....dibai bala mulai sepuh enda lama... On setin dua.

 MA diapit Cikgu Perry Jarau & Mrs, sereta entua iya. Thx. Chukup kemerah sereta layanan booooom! Asai ba bilik diri. Enda ngasaika diri alien.

Gambar diatasnya, Ekspress Whaf Sibu 6.25am. Fresh aja gaya. MA lebuhnya dibai penanyi tebilang Maxwel F.Saran nemuai ke Kapit. Seraya nyadi kaban maya dalam kerita. Jauh pejalai kamiduai. Mupuk kenaka 11.30pm, 1 Nov. Iya ga ujan sepemanjai pejalai kamiduai. Mayuh utai ke dikerandau dikena nyeliah diri ari ke ngantuk. Maya udah rangkai idea, nadai utai dikerandau, bela nungkun insap. Sigi kumpom mabuk asap mih bala nyamuk ke bisi tesat tama dlm kerita Proton Satria dj Ijau.Kapa enda ;)

Nepan Ekspress Wawasan Sibu....7am, Sibu-Kapit. Hahaha...duduk dalam Kelas VIP. Tak kamiduai aja nguan. Apaaaa agi, masa untuk ZZZZZZZZ.

 Ijau berundingka pengidup pendiau diri nyadi Kameraman.... Kasih tudah.

 Au jara.... benung ngecek baju ke udah ditipan Bini. Nangika enda umbas kena ba Ng Merit.

 MA ba Whaf Kapit.... Pejalai ngagai SK Ng Merit lebih kurang 3 jam. Peda gaya whaf. Semampai mayuh mensia, nyau bebalut. Macham2 mih utai ke bisi diangkut. Nyengkaum tung deram. Bangku bisi mih, jemari! Pelik tetapi benar. Nya mih ke nyadi ba pendaie dia.

 Nyaaaaa.... selamat nerengkahka kaki ba SK Ng Merit, Kapit. Gbr ba mua kuaters. Belakang MA, iyanya 'rumah sukan' ke digaga bala Pengajar & nembiak sekula cara gempung. Kreatif!

 

MA nyadi tukang kamera Ijau... Tu gambar Guru Besar sekula nya. Cikgu Unsang. Steady cikgu.

 

 Patron mlm nya, YB Datuk Alexander Nanta. Raban VIP sangkai ba pendaie Sekula urung pukul 5 lemai. Alu ditikika, sereta miring. MA maya nya belelak dulu dalam pangking.

 Nyaaaaa....6am udah dani, bekemas deka mulaika diri ke Pasar Kapit. Sekeda bala pengajar/mensia mayuh ke sama nganti penatai ekspress paginya.

Pemedis bala ke diau ba ulu, ngujungka MA berasai chukup bersyukur enggau kehidupan MA kediatu. Kadang2, kitai patut ngasaika, mayuh agi orang ke enda ulih ngasaika pengelantang,penyamai sereta pemujur. So, hargai kehidupan anda! Di Kch, peneka ati nenerut injin kerita tauka skuter.......tang di menua orang, menua jauh, menua ulu sungai, tu mih gaya sida deka mindahka diri. Pedis sereta besai belanja. Perintah menua Swak, kejampatka agi projek ngaga jalai alun besabungka menua Kapit tu enggau menua luar!

 Tuchum manis? Tauka tuchum enda chukup tinduk? Hahaha. Maya baru nudukka diri dalam 'seperis'. Tisi/belakang nyin, Cikgu Unsang & bini iya (sama pengajar mega). Udah ke 'ngam' penuduk, MA alu begigaka baju kena ngebab mua-mata, Zzzzzzzzzzz.... Fuhhhh, mimpi betemu enggau Nealofa maya nya!

Kapit Town Square.... gambar tu udah diedit MA, nyadika Profile Pic FB MA ke pemadu baru. Thx Kapit. Udah meri 1001 pengingat enggau peneleba ke enda ulih diserungkai MA ba Kch!

   

Pengawa nyadi MC pan dipajak baka selama. Bulan 11/12 tu, sigi maya kaban kitai ngintu pengerami. Kadang2 bejurut malam, udahnya malam ke3, sigi madai isi. Hahaha. Ensium bau beer pan enggai mih (kenu). Udah gerai, berengkah begigaka put beer baru. Hehehehe. Anang aja kitai ngachau urang nih. Gbr diatas, maya MA & Band KIMARA, ba pengerami melah pinang siku kaban FB, 9 Nov. Taja pan bala pengabang mayuh agi bala ke tuai2 magang, paduhal mancal agi. Hahaha. Bendar sida ngansarka kaki. Deh jara....

Pengawa berunding enggau client kedeka nampung/meli BE majak dipejalai. 1st buyer, enda mujur, laban ke betapi penanggul loan. Hmmmmmm, diatu benung berunding enggau siku agi kaban. Enti mujur, kira ke iya mih 'take over' BE. Sapa2 ke ngambi BE ila pan, tetap deka support mega dedugau dia, jemah. Enda mayuh, meli se-put aja beer, pan pama mih nih.

ASAI ke naka tu dulu entry MA kesekali tu au. MA mcm biasalah, Maya weekdays, maca buletin 3pm, Cats FM. MA gawa ba konti, Cats Ujung Minggu maya Hr Minggu, ngenataika Carta Evergreen Tebilang enggau MedleyMIX. TQ lah ngagai peninga2, followers MA ke enda leju2 nyukung. Ka ngiga MA ba FB? MA ngena nama amai, 'Mathew Ak Abu' tauka LIKE FanPage MA ba facebook.com/mathewabu.catsfm..... Bahhh, jaga pengerai wai! Tu mega masuk bulan ke3 MA tama Gym. Muai lemak mimit! Yakin boleh kenu. Hihihihihihi. Ehhhhhh, enda ingat mesan. Anang memimit chahut ka chahak. Memimit chahut ka chahak! Dai pan tan.

djMA & Ceritera StarQuest 2013 (DAMA)

Hiii..betemu baru ba Entry ujung bulan 9.....Kch? 2 hari udah ngasaika haya hari ke chukup angat, bekum sereta menua Kch besebun baru. Enda jauh rampa menua ke ulih diperening, ditinjau ngena anak mata. Rapas ketegal asap sebun malut menua Mayau. Tentu udah tu, klinik penuh baru endur bala mensia berubat. Pedis rekung, batuk, pedis mata, asma, enggau mayuh macam penyakit mih. Anang enda berubat enti sakit. Sakit ati? Pedis ati? Apuuuu nih, nya terpaksa laaaa pegi nampuk ngagai Gua Angin ba Bau din, nginjau bala Jin nyuman. Ada berani ke?

Ok...jom ngagai topik & ceritera MA ba entry ke sekali tu. Pasal ap anih? Huhuhuhuhu........Ok. Board of Directors Borneo Ethnic Cafe (BE) sarinya udah baum, ke alai BE deka dijual ngagai sapa2 aja kedeka nyambung pengawa dagang tu. Nama kebuah? Why? Nama hal? Apa kes?.. Semua nya pasal komitmen. Huhuhu.... berasai pedis/mar mega bejalaika pengawa dagang ke bansa tu, enti sema nuan enda ulih nyaga/ngibun palan tu ninting malam. Kadang2, bala temuai ke datai, iyanya bala kaban magang. Sida deka meda nuan empu ga dedugau dia ngibun menalan, baru sida enda ngasaika diri alien, tauka 'singkol' ku jaku Melayu Swak. Kenyau taun  tu tadi, MA semina ulih lepak2 ba BE maya malam hari Satu, Lima & Nam aja.....Hari Satu pan naka 10pm aja. Meseti pulai tumu laban berundingka pagi hari siti, tumu mega dani/angkat beranjungka anak nurun sekula. 6am udah enchelak leka mata. Last year lain cerita. Anak tadika sesi tengahari, so kira enda entu mengacau enti pulai laun ari BE. Diatu chukup mengacau laban enda alah agi ngembuan penyakit kuntau ehhhhh, buntau.

So, bisi sapa2 ke beminat nya? Tau la nguji2 inbox FB MA tauka emel nuju muajai@yahoo.com. Rega agi ulih diperunding. Ikas mih kitai sama gerai.

 Poster tu lah yg udah dipost MA ba page FB Borneo Ethnic Cafe (BE).... Bisi mega bala kaban ke udah 'hint'....tang agi nganti sida ngaga pemutus. Hal bisnis bakatu,enggai nyadi maksa pangan diri. Enti ngulam kolo mee ulih mih. Maksa kaban makai 2 mangkuk. Gambar dibaruh diambi maya 'general housekeeping' ba BE sarinya. Pintu penama ngagai bilik penaik BE.

 

Pengawa di rumah.... nyadi pengajar. Ryan & Richie benung belajar nyebut leka jaku konsonan. Udah direkod, seduai semina nitih munyi sebutan ke pansut ari headphone ;) (tu gbr lama lah...pun taun, saja ka upload).

 Ohhhh, projek nirika sapat ba ruai MA enggau jiran sepiak. I've tried my best to became a reliable contractor ;)..... Maya kediatu, udah 70% dilepar. Gate mega udah bediri....... Projek harus diteruskan.

 MA rindu meda gbr tu. Saja ka snap maya anak mandi (walaupun nampak 'loloi'....enda ingat kasi effect ba areanya, hihihi). Neutral aja emosi ba gbr tu. Bilik mandi ba rumah kakak....

 Aikkkk, Ryan agi? Suba maya MA agi mit pan MA udah nemu masu kasut sekula kediri empu. Diatu turn anak agi perlu bejalaika tanggung pengawa sebaka. Now seem to be Ryan happy nuci kasut kediri empu. Kamah basu, enda kamah, juz asuh jembi aja......

 Pengawa ba BE, maya lepa. Tu sigi 'geng keras' ari era BE benung diseruriq, nyentuk kediatu. Lascelles Manjah (ucu Temenggung Jugah) siku kaban ke cukup ngemaruh diri. Bejaku ensuruk enda tinggi, enda temegah taja iya ukai 'orang biasa'. Maya tu asai MA, iya benung ngeradakka nyawa mai lagu Buya Bepangan Aja-Paul Erica....

 Duet enggau dj Monica (WaiFM)..... Aukkkkk jara nih. Tauka nyadi supporter aja?

 Hahahaha...tu pelapis peminat Liverpool. Sama enggai tinggal, sama nyukung Liv. Daddy will never walk alone ;)

 'Pengaruh'...enggi Indaituai MA (auntie). Maya bisi pengawa sarinya. Ke bukai nya enda ingat, tang ke segala burak cecelum nya, sigi telu masin.....Maya disumai, sigi nyengala telu. Maya udah mansau, sereta deka diempa, dikupak kulit, nemu nya isi telu bebali nyadi batu. Nyeeiiiii. Untung mat.

 Antara rengka ke dinah maya pengawa berubat enggau Manang. Menu biasa magang mihnya, nyengkaum mayang (laban ngena 'Yang' Laut/Melayu).

 Lama enda nemuai nggai Damai Sentral....sarinya lepak2, saja ka meda dunya/pantai. Paduhal udah bebayar maya parking kerita ba dalam dia. RM2! Peeehhhh!! Buat duit betul dia org. Dahlah 'guard' dia enda friendly. Bodoh sombong aja gaya (sorry....tepaksa ngena jaku ke bakanya, laban nya memang hakikat). Dahlah masuk parking bebayar, 'signage' keluar @ masuk enda entu clear/jelas. Nie enda MA & kaban MA (Fringky) pansut ari area 'Entry'. Last2 guard nya meri signal, ngasuh u-turn & keluar ari jalai ujung. Apa salah nuju kerita kami? Terang manah2.. Ukai kami neninting hari kia? Nemu undang2 dia. Peerrrrggghhhhh. Nasib jantung aku udah celap kena tuju' ai bia sebedau nya. Aku diaukan diri aja laban aku ukai samseng Geng 04.

 Me & Fringky (geng sama opis, walaupun enda sama ketinggian. Hahaha).

 Itu diaaaaa..... bala samseng enggau mem benung medal ai ais.... Enda peduli ke hal dunya agi.

 Ohhh my English...ehhhh, my bike... Hmmm, awal pagi memutuskan belting sarinya. Nasib wokshop enda jauh. Awal pagi RM melayang.

 Anak uduk tu enggau MA berandau muai boring paginya. Bila udah berputik kemesraan, aku malas lah ka layan anak uduk nya agi, coz aku takut iya ngumbai aku Daddy iya. Hahaha. Neway, kiut uduk tu.

 Gambar diatas enggau baruh.....skuter meragam baru. Hahaha..kali ini belting & enjin. Alang2, MA kasi over-hauled sekali. Lapa deh, alang2 udah telanjai...

 Gambar diambi maya nyadi budiguard Jon Kodo, kaban aku ari Bintulu. Ke Kch ngemata pengawa Swak regatta. Sama mega enggau penanyi Lucy M. Laban ke diau enda jauh ari palan endur kamiduai melepak, alu mai Lucy sekali, enggau akak iya (enggai digambar laban nangika album Lucy enda laku agi. Hihihi...). Tukang snap maya tu, Naen Legacy. (terer Naen ngambi gbr, bisi bebaka Abau ba belakanggggg MA.

 Malam siti, 'neman' bala bakih ba BE. Tukei majalah PEGARI, Johnny ak Chuat singgah taja penat/pedis isi datai ari Bintulu. Terima kasih mih tuan raja.... Sama bisi ayan, Jed Malin (menyadi penanyi tebilang Joyce Menti-tengah), enggau dj Edwin ari Wai FM (baju mansau sereta tetuchum mangah gaya maka Ah Leonh tukang narit kerita.

 Mayuh mensia tu??! Pengawa maya 15 Sept, ba Emperan Kch. Nerebaika bungai api beserimbai enggau 50 Taun Swak Merdeka Dalam Msia. Ujan maya tu. kak pen enda. Bala anak sesengut mai bejalai. Parking kerita ba Padungan, bejalai kaki nuju Emperan. Ukai MA sebilik aja, tang nyauka sampal ambis sampal lengis urang Kch maya nya betatam ngelawa Emperan. Pedis kaki, tat ke aja mih. Anang memunyi.

 Tu gaya bungai api malam nya....Bisi 10 minit kini..Udahnya bungai api ke mit2 kerembai iya, tang maya nya MA udah mupuk. Puas ati bala budak laban ke udah meda Kapal Berias enggau Bungai Api... Si Richie madah, 'TQ daddy laban udah mai meda kapal enggau bungai api'... Bangga ga. Anak nemu nyebut utai ke bansa nya spontan.

 Misi menyelimkan tubuh mimit. Hahaha..Udah berengkah 6 minggu tu ke udah. Pama mih. Ke arah kehidupan yg lebih sihat..... Sapa baju mansau nyiiiiiinnnn?? Ecakkkkk.

 Gambar dibaruh tu, semua gambar maya minggu ke-6. Basic aja mih. Ikas mih gerai.

  Seksi ga punggung ku ari belakang paduhal.... Hahahaha.....

StarQuest 2013..final? Jom cerita mimit. Hehehe... 10 iku finalis kedeka sama enggau bepekit maya tu ila. Tikit meja mega agi dijual enggau rega RM350/RM500. Ninga2 MA nyadi Stage Manager maya nya ila, tang agi beguna ke confirmation dulu. MA ukai jenis ke jampat manjung pala wong.... Yg pasti, MA akan buat yg terbaik, demi prestasi Pesaka Pemerindang ga, laban kami mega nyendiaka servis 'event managements'. So....all the best ngagai semua finalis. Ngarapka mujur sereta tu nyadika pengerandang jalai nujah dunya pemerindang. Cats FM mega nyadi Radio Rasmi SQ. Apapun, betemu 28 Sept, Dwn Suarah Kch, sama ngemata Final SQ 2013. Wokeeeehhhhh!

Ok la beb..... Tu aja Entry MA naka kediatu.... Dah baca? Tempap la jari mimit (big applause ngagai MA) Hahahaha...... Ehhh, udah tu, lawaq ngagai page FB djMA au, tekan button LIKE. Join MA mega maya On Air Cats Ujung Minggu, 2-5pm.
Anang enggai laaaaaa....