Hari Kemerdekaan Ke-57... ceritera djMA.

Wallllaaaaooo ehhh....setengah taun udah enda ngeranjai blog. Kada mih bisi idea tu lagi. Hahaha.... Sunyi blogspot sekumbang ke bisi MuaBup. Taja pia, tepantup agi asai ati niapka leka jaku ba blogspot tu, laban ke sigi endang ruai diri, enda bekunsi enggau orang. Bahhhhh.... mungkal Entry ke sekali tu dulu enggau gaya pendiau ke nyadi ba tudah diri sekumbang bebulan enda ngabas ruai. Madahka diri udah bisi rayat baru, baby girl. Cute bebaka mua daddy iya empu. Hihihihi....

 Eryssa Candyrich (nickname, Apple) ... maya hari keterubah ada. Ofcoz ba Hosp Besai Kch ;)

 Big brother iya Ryan....bangga laban mua Apple nyauka sebaka enggau mua iya.

 Jenak aja Apple dibai meronda Boulevard sarinya..

 Ohhh..kejadian ke nyadi ba sekula. Kasih tudah Richie kena pulas geng sekelas iya ba lengan. Nyabak kaban nyentukka datai di rumah. Terpaksa lah aku emergency pulai ke rumah. Nabanka Richie ngagai Klinik. Xtray. Nasib lutor madah nadai 'patah'. Selawuk aja... Bebalut jari kaban. Tinduk pan enggai dibuka, pedis jari adik, ku iya. Iya tu mancal ba rumah aja. Ba sekula jadi Bujang Imun. Semut pun malas ka ngetup iya laban kelalu imun dalam kelas.

 Bida perangai seduai maya pulai mandi... Si abang direct begigaka baju, begari.

Si adik?? Terus ngambi HP, sambung main games..... hmmmmmm.

OK...nya ngelansa mimit senentang utai ke nyadi dalam ruang bilik MA. Hihihi. Jommmm, nyingkang ngagai cerita bukai au.... Ngenang senentang Gempuru Raban Pemerindang 3.0 sarinya, ke diatur ba rumah Homery Sylvester Pungga aka Upom, ba Bt 9. Laban ke semak Gawai, dia penatai bala penanyi enda mayuh, laban ke bisi show magang. Nyengkaum aku empu mih, beguai mulaika diri lemai nya, laban ke bisi MC ba otel. Umbas bai ga pala mayanya. Lancar sepiking Landan.. Hihihihi.

 Penama ngagai Rumah Upom.... diias enggau rengka bala soldadu.

 YB Mussen Lamoh benung merindang bala enggau lagu iya.... ngena karaoke. Taja pia bala mayuh maya nya diperindang Band API (band soldadu ari 1st Div Muara Tuang)

 Sekeda ari bala kami ke sempat begambar sebedau mulaika diri.

 Begambar enggau ex-Penyampai radio Wai FM, Froji Katum. Kaban sama ngelaban ai celum kelia. Hihihi.

 Cheers ari Tuan Rumah 2.0 Gordon John enggau 3.0 Upom. Taun baru sema nadai penanggul dia gempuru 4.0 deka diatur ba rumah tudah pangan ba Kt Samarahan. Amen.

 Ehhhh... tu raban ke betabuh ari Kpg Kudei Baru Kuching. Betuaika aba aku lah (Mr Abu-beketapu mansau). Lebuh nya krew tu dipinjau betabuh maya pengerami Begawai Gerasi Nading ba Kpg Sg Tapang.

 Seketeri Persatuan Seni Budaya Kpg Sg Tapang, Lascelles Manjah (tgh) enggau bala ari Kpg Kudei Baru.

 Mak pan support ga. Bebaka Mak Datin ;)

 Patron malam nya, Datuk Mong ak Dagang.

 Aba lebuh sama nguji ngirup ai beer ke dituang dalam mangkuk berisi enggau kaca.

Hehehehe...tu gambar senaja ka ngayanka lubang pusat.

Nya mih sekeda tibang gambar sempat dipekunsika ba ditu au.... Pengawa nyadi MC mega, mujur. Terima kasih ngagai bala2 pengantin ke udah meri 'kepercayaan' ngagai MA nyadi MC sida, kedua nya,ngambi MA nyadi Planner pengawa sida. Ohhhaaaaaa....

 Pelamin...enggi kaban ku Megat & Lina, ba Penview Inn Hotel. Ambis ruang pentas dikena ngaduka pelamin. Hihihi. MA bejaku ari tisi aja ;)

 Kreatif.... antara mija VIP ke diias Megat & Lina.

 Maya nyadi MC kawen Rickealson & Judith (Kch Park Hotel)

 Thxgiving Nite, ba RPR Landeh.

 MC kali ke2 resepsi Lydia & Gabriel ba Tanah Mas Hotel Sibu. Resepsi ba Kch kelia diatur ba Crown Square.

 Betemu enggau pengantin lelaki Gabriel (anak niang Laja Sanggin). Meresa persiapan ba dalam dewan.

 Ehhh... tu pengantin bulan Dec suba. Hehehe.. Bernandine Candy & Gidis (Kch Park Hotel)

 Ramsay & Larissa (Kch Park Hotel)

 Ebahhhh, benung chapuh bala ba pentas.

 Resepsi Andrew & Christina.

 Nyaga laptop pengantin ;)

 Apai Andrew benung merindang bala (pangkat 'uncle' mega,ari Balai Ringin)

 Nyadi MC kawen ba Rh Panjai.... bestfren ari ruaikitai.com.... Olie & Henry (Rh Muking, Sg Tukis, Btulu/Bakun)

 Sempat begambar sebedau mulaika diri ke airport Btulu. Berami nyentukka pagi, nya baru iya. Semina sempat lelap 40 minit aja pagi nya.

 Resepsi Lutor Perak kawen ngau Lutor Kch Sarawak, ba Four Point Hotel. Dr Shawin & Dr Rachel. Sepiking Landan u kno. All the way. Lagu ari bala pengabang pan oldies magang. Nya iya....panjaiiii mlm. Bisi siku 'auntie' kumin laban kelalu bekenaka Jaku Eng. Lagu2 pan boring ga, ku iya. Hihihi.Auntie nya udah kemabukkan. Malas mimit ka layan. Layan pepia aja. Lagipun ukai MC ke milih lagu bala pengabang. Ni alah kitai nguntrul sida anang mai lagu oldies. Minat masing2 beb. Masing2 bisi lagu ke ulih masuk key nyawa diri empu. Huahuahua... Apapun MA nitih peminta ari Pengantin & famili pengantin. (Orang ga ngasuh ngena Jaku Eng...sepiking mih tudah pangan. Laban pengabang ari Semenanjung enggau bala staf ari Hospital mayuh datai). Ka pen enda, be-i-i...be-u-u mih malam nya ;)

 Resepsi Alfred & Tracy (Kch Park Hotel).. pengantin ari Pendidikan tu ;)

 Programme Flow..... nitihka ripih ke udah diperunding sebedau pengawa nyadi.

 Simon & Elizabethe (Hotel Grand Continental Kch)....

Well done sir, ku aba pengantin, Mr Utap. Hehehe. Pengawa mujur. Mr Utap top-up baru RM50...'Kena minyak enggau reload nuan, laban tua suah bemisis sebedau tu', ku iya baru. Wahhhhhh.. murah jereki.
OKLAH....naka tu dulu ga Entry MA au. Bulan 8 tu iyanya bulan Kemerdekaan. Anang lembau bela nuatka tambai menua kitai ba kerita, rumah tauka opis... Ba mija MA udah dedegi menira Jalur Gemilang. Semangat beb! Rambai jaku? Malaysia.... Disini lahirnya sebuah cinta.
Selamat Hari Kemerdekaan ke 57!

Gong XI Fa Cai...Malaysia. Luv from djMA

Januari nyauka datai ba adan. Enda berasai. Lusa udah nyingkang ngagai bulan Dua. Taja pia ngarapka pejalai pengidup majak manah, lantang sereta bepengerai. Enda mayuh pekara ke bisi nyadi ba MA, pun taun  tu. Pengawa nyadi MC mega, bisi tendur mimit, laban ke udah pun taun. (Kebiasaan pack jadual maia ujung taun, sebedau & selepas Gawai). Ngarapka jereki majak murah mih. Amen.
My kids mega udah dua-dua sekula pagi. Lagilah aktiviti malam hari MA dihadkan masa. Ukai nama, laban chukup pedis ka angkat tumu pagi (agi belala tinduk weeeehh). Enda berasai mega, anak tuai dah Tahun Satu, ke biak Tadika 6. Fuuhhh. Dahla dua-dua enda minat nepan kerita. Seduai lebih kusyuk nepan skuter daddy. Hmmmm. dahlah tumu pagi mengharung kesejukkan Jalai Dato Mhd Musa-Muara Tuang. Haduuuiiiii.
Opis? Mcm biasalah pengawa. MA agi kiruh enggau pengawa diri ke nyadi 'translator'. Jadual gawa ba konti bedau bisi berubah naka kediatu, MA agi gawa maia ujung minggu (hari Minggu). Ohhh, permulaan 2014 mega bisi mai berita manah mimit ba opis. Alkisah, siku orang ke enda entu berapa ba palan endur tudah pangan gawa, udah ngemaduka diri. Resign laban kedeka fokus enggau pengawa diri. Bisi manah bisi mega enda manah. Taja pia, kediatu udah ulih nyintak seput 'lega' mimit. Kadang2 amat ga ko orang. Petara maha ADIL. Hopefully keadilan tebantai belama sereta Hukum Karma nuntung sapa2 aja ke beniat JAHAT ngelamatu. Selebihnya, biarlah Petara menjalankan tugasan Iya.Amen... Isshhhh, macam enda best aja topik tu. Tapi iya lahir ari jiwaraga MA lemai tu. Anang nyima ga au.
Pagila tentu mega Pengerami Taun Baru Cina 2014 deka diintu. Tahun Kuda..... Meri Gong Xi Fa Cai ngagai semua followers MA, enggau sapa2 aja ke rembus ngelawa ruai MA tu. Ngarapka menua kitai meruan likun sereta rayat ulih berakup datai ke jemah2 ila... Tu poster ungkup bala kita ke ngerami TBCina :)

 TU mih profile pic ke dikena MA ba FB kediatu. Saja ka ngeso buk setail baru....Hihihi. Dah tuai u..u. Yg penting, kitai gerai & enda ngacau urang, enda iya? Idup simple, enda perlu kelalu nyagu diri nyadi Selebriti. Hahaha.. Enda pernah pun ngasaika diri selebriti sereta lawa. Not my cara. Gua biasa2 saja. Ulih dibai makai dimana2, ulih berandau/bekaban enggau sapa2. Tapi enti orang enggai nanya, enggai nyapa, enggai ga MA terhegeh2, nyurung diri (nuju bala sekeda ke suah ngaga diri enda ngelala tajapan udah kala begulai). Enda nya ngawa. Engka udah ngasaika diri jauh mansang sereta pengidup udah maju. Manah mih nya kaban. Semampai ngarapka pengidup kita (& kitai) meruan bisi ubah ke positif. Udah maju, udah mansang, anang enda ingatka rumput ke diindik ba bumi (kadang meluat ga meda ulah bala sekeda ke kelalu ngasaika diri empu glem. Kasih).

Oklah..... Thx udah limpang ba 'ruaidjma' tu au. Ila lusa betemu baru enggau entry ke bukai. Ngarapka sama bela mujur belama. Ehhh, anang enda ingat ngelawa Fan Page djMA ba fb.com/mathewabucats. Klik ler 'button' Like, au. Hihiihiiii. Anang nganu mih wai. Peace.

Merry Xmas & Welcoming 2014

12.12.2013....enda berasai. Fuhh, jampat amai hari beganti. Nandaka nyauka datai pengerami Xmas maya ujung taun. Taun ku ka ngintu enggau scale ala kadar aja, laban perlu betatika bajet bala anak kedeka besekula baru. Huahuahua. Bulan 11 enggau 12, mayuh mega orang ke betali-alau ngasuh MA nyadi Tukang Gerah (emcee), pengerami. Jereki mih nya. Anang nulak. Ujai jai, utai nanjal pengidup nya baru tau di-iar jauh2 ke tisiiiiii kin. Tempalungka. Anang nyimpan. Sesin, anang mih. Ngerua Empty Space minda aja.
Pejalai MA? Ujung minggu tu tadi (7/8 Dec) MA nemuai ngagai Rh Empaling, Jungkong Pandak, Bakong S.Aman. Hmmmm, ke sera tu, MA nadai mai budigad. Laban semua bala geng sibuk enggau pengawa caroling, enggau pengawa bukai. Kakpen enda, MA belelubah nguhitka bini no 2 MA ari Kch-Bakong S.Aman-Kch. Ada cerita best!!!! Gua cer....cer.
MA mupuk ari rumah urung pukul 2.40pm ngalihari 7 Dec. Enggai laun, laban jalai tunga kin bisi sekeda nya belubang-lubang. Jai. Jelu kangaroo begedi mih engkekejuk ba dia. Nadai feeling. Ngerusak pala patung bala kangaroo aja.
Sangkai endar ba menua S.Aman urung pukul 5.10pm, MA singgah ba Shell Jalai Sabu. Kemi, bepungas mua, seraya sesais enda lama, ngedarka tulang punggung. Pama utai dederiba kekediri. Tembu nya, MA alu bekejang, laban ke udah besemaya enggau Mikol (anak TR) , deka datai tumu, agi tawas. Ulih ga belelak sebedau pengawa berengkah. Mujur?? ENDA. Hahaha....MA salah biluk nuju simpang kiba. Ku ke Mikol, ari pasar nuju ke rh panjai, enda nyengala jauh. Urung 50 min pejalai. Enti ari simpang Gran Lingga kira ke kurang ari 30 min. Tang MA udah dreba urung 40 min, makin jauh, makin mit jalai. Makin lama, makin sunyi dunya. Fuuhhh. Pun kayu aja ke bisi ngengepai kiba kanan. Anang ke mensia, tupai lungau nadai dipeda ayan ngerayap ngelayang jalai. Ngasaika diri tesat, MA betali-alau nuju Mikol baru, ke alai iya, berunding deka ngambat MA ba pun simpang. Hmmmmm....
Laban kedeka nguji baru, dia MA majakka pejalai, kira bisi 10 min kenya. Udahnya MA tepedaka 2 iku ke benung nginti ba tisi parit. Siku nembiak (pelaba sagam anak ati MA nembiak tu beumur enti enda 11/12 taun). Aku enggau ati ke baruh lalu nyapa seduai. Tudah anak, engka nangika MA samseng ladang (laban maya nya MA belabung pala). Tudah apai iya ke berani nyaut seraya ngampir MA.
'Apuu, salah jalai nn tu. Tu jalai nunga ke Kejatau. Jauh udah nn tu tama kitu. Uji nn pulai ke simpang besai tadi, udah nya biluk kanan.'
Ku aku nyaut,'Bah, enti ari simpang nya, jauh kini simpang nuju ke Jungkong?'
'Enda....pulai baru nn ngagai pun jalai,' ku tudah ngajar aku. Peda2 MA ari paras pendiau iya umur bedau mega udah manggai ngagai angka 50. Peratika MA, seduai betepanka Modenas Jaguh, diparking teguh ba tisi jalai.
'Bah, tau karapka aku mih seduai tu,' ku anak ati betelai dalam din. Irau bebalut enggau tusah ati, laban hari majak petang. Ujan enggai enda nurun ga. Minta puji amat. Maya MA ke dituntung penanggul tu ga iya ujan.
MA alu nyurutka kerita begadai2. Udah nya apai orang nya tadi alu ngepai baru.
'Aku nangika nn majak tesat. Udah ga tu majak petang. Manah nn entudi kamiduai. Lagi nganjung d ngagai pun simpang,' ku iya.
MA antara kasih, pia mega pengirau ati majak malut runding diri. 'Asapai! Enggai enda tesat!' Ku anak ati MA muchau2 dalam din. Seduai pan dipeda besikap, nepu kereban ke bela bisi dibai, ditepu dalam raga. Aku semina nganti injin Jaguh diidupka.
Betunda udi mih kami sebuat udahnya ngelaban ujan. Kada mih anak mensia, ku ke ati aku ga, agi ka nyangkal pemanah budi orang ke udah besedia mantu. Kami udahnya biluk tunga ke kanan, nujah bukit jelan peninggi. Majak ga ati aku irau. Mati MA udah tu!
Nemu nya jalai nya jalai muntang/mintas (short-cut). Selamat. Hmmm, amat besai ga penguji ari Petara laban sepengudahnya, injin Jaguh padam sedu-padam sedu. Kak pen enda, MA nganti seduai menyanak ngerituk begian bateri. Basah, sereta bisi 'shorts' laban ke basah. Aduii.
Maya nya mega MA berundingka mayuh pekara. Enda patut ga MA kempang ninggalka seduai beranak nyurung Jaguh nyentukka rumah. Kepuas berunding, kami 3 begigaka anak tali-ka towing Jaguh! Pengujung iya, tali mak raga, nyadi mangsa penyelamat keadaan. Udah ke ditancang manah ba 'hook' bonet belakang kerita MA, kami pan mupuk. Anak iya dibai MA dalam kerita, taja tudah ka beberat ati, malu.
20km/j, kami pan sangkai ba mua rumah seduai. Udah ke muka simpul mak raga, kami pan betabi, seraya MA ke madahka diri mupuk. Maya nya, kerita laki Joyce Menti baru udah mansa. MA entudi sida iya. Ba Simpang Gran, Mikol udah bendar betempapka nyamuk lama nganti dalam kerita. Kasih tudah. Kami pan udah nya mupuk begadai2 laban ke ujan. Niki ba rumah panjai, urung pukul 7.45lemai. Fuhhhhh, pedis isi! Taja pia, Terima Kasih ngagai Petara laban MA udah likun datai sereta nudukka diri dalam bilik penaik TR Empaling. Ka manjung asai. Tang kasih ke tudah TR enda dapat, udah gegaring ngenatka pemedis pala (mabuk!).
Udah ke berandau berampas enda lama, kami sebuah pan dinah ke urang makai lemai. Tudah pangan, Joyce Menti, Ken (laki iya), Joseph Dresa enggau siku agi kaban Joseph. Tembu makai, kami bela ngintu setin siku, dikena warming-up dulu. Maya nya mega petunggal tudah Tupai (Dj Ijau), datai seraya madahka nama diri. Hahaha. Bela udah bulih pemedis magang. Haiiiisssssh, layannnnn je la.
Pengawa kami berengkah urung pukul 8.50 malam, enggau jaku pengelalu ari Sapit TR. Udah nya, MA pan berengkah nyadi MC rasmi nyentukka ngagai pengujung program. Ka ditusi magang2, ujung2 nyadi novel Entry tu. Hahahaha..
Sama bekunsika sekeda tibang gambar ke sempat dikachit MA ngena HP Sony Miro. Sekeda dikachit bala ke dia mih, nya kebuah gambar udu 'blur'. Enda ngawa, ikas mih gerai, neyaaaaa.

 Mikol..anak TR. Kamiduai ke nyaga lagu maya nya. Sabar aja la labu ;)

 Sekeda ari raban dancers. Warga tua, semua udah lari ke teluk dinding. Nangi ke indik.

 Josesph Dresa in action. Ewaaaahhhhhh. Gbr blur laban jari penat megai kerupun.

 Joyce Menti, Joseph, MA & Mikol. Kira ke mujur pengawa & terkawal. Suasana udah bisi kelaie ka enda entu-enda entu, Mikol alu ngasuh closing urung pukul 2 dini hari.

 Nudukka diri ba bilik TR. Dinahka pemakai (salau), enggau ai rimau. Nadai cecelap nya u, ukai bisi karan. Kasih ke bala sida ditu (8 pintu) ke udah baum ngidupka injin api nyentukka pagi. Ulih YB ngitung berapa bajet kena meli binjin? Disil? Uji rumah sekeda pemesai ga sama bekenaka injin api ba nengeri, awak ke sama bejimat ngelimat minyak. Kada tan tinduk enda ngena ekon. Perrrgh.

 Dani pagi nya, tembu ngirup kupi, MA lipak enda lama ba ruai. Nyenip pemanah rampa menua Jungkong Pandak. Beumai padi magang urang ditu.

 Gambar atas/baruh : Sekeda bala peminat ke biak umur mih nya. Gaga ati kena gambar.

Fuhhhh. Mulaika diri baru. Kedediri baru S.Aman-Kch. Alahaiiiiiiii. MA mupuk urung pukul 9.45am. Datai ba pasar S.Aman urung pukul 11, laban ke tesat baru!!! Kini ke nyau ke Tjg Bijat. Ngelebus simpang. Parai nyawa. Deeeh bala antu babas. Kak amat nundi.
Datai ba pasar, MA sempat betemu enggau petunggal MA Cikgu Robia & Ika Desmond. Dibai seduai singgah enda lama nemuai ke rumah ba Seri Jaya. Udah ke tembu ngirup sereta mangkil siti dua kempat ruti, MA pan bekejang. Seduai pan sama ka mulaika diri ke Gerija St Luke ngambi anak tinggal. Terima kasih udah ngirumka dabai/langsat. Chukup lama enda betemu laban ke sama mai diri nitihka periuk asi.
Udah nya alu neruska pejalai nuju menua Mayau. Sangkai ba Serian, seraya ke belelak, kemi & nyelapka injin kerita. 5.05pm, MA sangkai ba rumah kakak ba Kpg Kudei Baru. Mandi, belelak, berandau, makai!
Nya ajalah cerita pejalai MA ujung minggu tu tadi. Amai ku orang tuai. Malu betanya tesat jalai, enti tesat nikal baru ngagai pun jalai. Ba puak menua S.Aman, MA enda tesat, laban ngena Maps! Hahaha, Bisi 'indu urang putih' meri direction, tunga jalai. Sepuluh sin enda mih tesat. Temu jalai. Nya mih cerita pejalai MA Kch-S.Aman-Kch. Malamnya, belelak endar2. Pedis punggung bai dreba solo.

Pengawa lebuh ke nyadi MC pengawa 'taklimat' ke diatur Recording Industry Association of Msia (RIM), ba Hilton Hotel, Kch (20 Nov).

 MC maya melah pinang Frankly Robert Galayan (Swak) & indu dara Sabah, Laura Jonly. Ari ruang bilik 'seniman'. Pengantin malamnya bela main liveband ;)

 Saja ka shot cover pengantin & programme-flow.

 Jarang meda pengantin Iban begagaka panggau endur besanding (pelamin). Kreatif ga pengantin tu. Congrats ngagai Fedem Dilly & Jenny. Pengerami diatur ba Hunco Restaurant, Bt 13.

 Misi ka ngurangka lemak agi dipergiatkan. Cuma kadang2 'kelas' kensel laban ke sibuk. Hmmmm.... MInggu tu aja MA ke nadai mindah jauh. Plan ke neman bala budak lepaking. Lama enda spend ujung minggu enggau kededua taiko. Tapi musim ujan tu, ukai nya ulih kini2 pun. Melepak indoor aja lah gaya iya.
Borneo Ethnic Cafe (BE)? Ohhh, agi dalam proses 'nego' ngau bala geng ke bisi minat ka take-over, Tang rata2 ka mai MA join sekali, as a share-partner. Haiiiiyuuuuuuu, itu mau kasi pikir 87kali lah. Ukai nama, laban ka dani pagi nya menjadi satu penderitaan! Dahla sekula udah ka dibuka baru. Apapun, MA memang sayauka BE. Siti2 aja palan Iban ba tengah2 dunya Cina. 28 hari da agi sebedau nyambut penatai taun 2014. Ngarapka taun baru, pengidup lebih kow2, gerai nyamai, lantang senang, chelap lindap nguan menua. Kan? Bekaban biar seribu, munsuh anang digiga (tapi hakikat iya, ni lah semua mensia nya manah magang. Bisi sekeda nyadi duri dalam dagin, kaban perut ikan madi perut jani..... Ku ini aku, buk sama celum uchu2, tang ati dalam din, kitai enda ulih neka).
OK lah, ila betemu baru dalam entry MA kedeka datai. Merry Xmas ngagai semua followers MA & Happy New Year dua kusong satu empat ;) Cheerrrrrrsssss!!!